Lått og løye på 4H-øving

Detaljar

Skriven av Bente

Fredag går 4H sitt store arrangement - HAUSTFESTEN - av stabelen, og denne veka er det øving nesten kvar dag. Innsatsvilje og godt humør pregar øvingane;-)

- Det vert eit kjekt program melder medlemane, som likevel ikkje vil røpa noko av innhaldet. - Den spenninga skal me halde fram til fredagen.

Alle er velkomne til haustfest på Bygdahuset fredag 29. oktober. Utstillingane opnar klokka 18:00 og festen byrjar klokka 19:00.

"Loftet" er snart klart til bruk

Detaljar

Skriven av Bente

 - Me satsar på intensiv arbeid dei neste 2-3 vekene for å få rommet oppe på Bygdahuset klart til bruk, seier Terje Ersland, som er initiativtakar til prosjektet.

Dersom du vil, så er du er med dette invitert til å bli med på dugnad for å få siste rest på plass.

Les meir: "Loftet" er snart klart til bruk

Glad dugnadsgjeng

Detaljar

Skriven av Bente

 Arbeidet med å byggje idrettshall i Vikedal er godt i gang, og i helga var ein driftig dugnadsgjeng frå Imsland i sving.
- Planen er at hallen skal stå ferdig til våren og dugnadsgjengen gjer ein kjempejobb, seier Jan Nordtveit, som sit i byggekomiteen. 

.  
Henning Nordtveit, Edvind Marvik, Bjarne Rønnevik, Magne Egil Langeland, Arne Langeland, NN og Ole Johan Staurland brukte laurdagen til forskaling av ringmur til idrettshallen.

Les meir: Glad dugnadsgjeng

Leif Egil Olsen blei Norsk brunstbrølemeister 2010

Detaljar

I samband med Hjortapuben på Bygdahuset i går 16. oktober, arrangerte Hjortefestivalen norsk meisterskap i brunstbrøl. Det kom mykje folk, til og med TV-team frå Sebyen. Sjå innslaget HER

Det blei Imslandsbuen Leif Egil Olsen som klarte å å framføra brunstbrølet sitt på ein så framifrå måte at dommarane kåra det til best i landet...
Ifølgje dommarane skulle han eigentleg ha vore ein spissbukk, men han høyrdest meir ut som ein tolvtaggar!!

Omlag 150 personar frå ulike bygdar var innom puben, og Geir og Andre spelte god musikk som alle såg ut til å vera fornøgde med.

Imsland Bygdahus var svært fornøgde med denne trivelege kvelden!

Ny gudstenesteforordning

Detaljar

Etter gudstenesta 24. oktober vert det halde soknemøte kor ein skal handsama
biskopen sitt forslag til ny gudstenesteforordning. Dvs forslag til kor mange
gudstenester ein skal ha i året i kvart sokn og når desse skal vera.

Les meir: Ny gudstenesteforordning

Imsland vassverk vert kommunalt

Detaljar

Skriven av Bente

På ekstraordinert årsmøte i vassverket vart det i kveld vedteke at årsmøtet ynskjer at kommunen skal overta vassverket frå 01.01.2011.
27 medlemar møtte, og vedtaket var samrøystes.

Folkeleg musikk i Rogaland

Detaljar

Skriven av Bente

Ingebrigt Bjelland er Ryfylking, og født i Imsland. Han står bak Folkeleg musikk i Rogaland, som vart gjeven ut nyleg. Ein viktig del av Rogaland sin musikktradisjon vert løfta fram og dokumentert ved denne utgjevinga, som består av lydplater og tilhøyrande bok med notar, tekst og kommentarar på norsk og engelsk til alle songane/ låtane.

Les meir: Folkeleg musikk i Rogaland

Årets konfirmantar

Detaljar

Skriven av Bente

Søndag 26. september vart årets konfirmantar presenterte i Imsland kyrkje. Her er dei:

Frå venstre: Anette Imsland Birkeland, Hanne Øvregård, Mari Ersland, Sondre Kvaløy, Bård Ersland og sokneprest Harald Eintveit. Helge Hummervoll er og konfirmant, men var ikkje til stades då biletet vart teke. Foto: Theodor Imsland