Sponsorar
- Detaljar
- Skriven av Bente
- Det var eit veldig kjekt løp å gå, sjølv om føret og veret var ganske tungt. Det skifta mellom vind, regn og skodda oppe på heia. Eg har aldri gått så langt som dette, så det var ein veldig kjekk oppleving å prøve seg på 5-mila, seier Jarle Nordtveit Åsheim, etter at han har fått igjen pusten etter styrkeprøven. 
- Detaljar
- Skriven av Bente
Thorhild Øvregård Tveit, frå Sauda, kjem og gjev inspirasjon om påskepynt på døra.
Dei som vil kan laga sin eigen krans.
Marit lagar god suppe og me serverer kaffi og kake.
Ta med kopp.
Tysdag 12. april kl 19:30 på Bygdahuset.
Alle er hjarteleg velkomne!
Imsland Bygdekvinnelag
- Detaljar
- Skriven av Bente
Myrstøl er eit flott turmål både for for små og store, med eller utan strikketøy. Start ved Tårnstølvegen (køyr til enden av bomvegen eller start ved Guri og Kjetil).
Ca 1,5 - 2 timar i lett terreng. Sist søndag var det skiføre, ca 40 cm snø i området, men den smeltar fort no så dersom du legg opp til skitur bør du ikkje utsetje det for lenge.
- Detaljar
- Skriven av Theodor Imsland
Altertavla i kyrkja vår er nå henta av Stavanger museum for reparasjon og for nærare gransking. Tavla er heilt frå 1756 og stod i den gamle kyrkja. Ho vart måla opp att før ho vart sett opp i den nye kyrkja i 1912. Ein vil nå sjå om ein kan finna ut noko om den opprinnelege målinga. Ein veit heller ikkje kven som har måla altertavla opprinneleg, og vil prøva om ein kan koma nærare eit svar på dette.
Medan tavla er nede, har ein sett opp att den gamle krossen på alteret. Han var i bruk frå kyrkja vart bygd i 1861 fram til 1912. Tomas Finnvik hadde kjennskap til at han var lagra i kjellaren, og var med å rota han fram, vaska han og få han på plass.
Dersom ein vil sjå korleis kyrkja tok seg ut fram til 1912, må ta seg ein tur til gudstenesta nå på søndag, 3.april.
Museet har lova at vi skal få tavla på plass att før konfirmasjonen 15. mai.
Soknerådet
- Detaljar
- Skriven av Bente
- Detaljar
- Skriven av Bente
Det vart servert nydelege heimelaga kjøtkaker på Bygdahuset i dag, søndag 27.februar. Her er dugnadsgjengen som står bak. Takk for maten!
- Detaljar
- Skriven av Bente
9.klasse ved Vikedal skule viser skulerevyen Kallde'ka'duvil 
Premiere onsdag 2.mars 19:30
Ny førestilling torsdag 3. mars 19:30
Sandeid Samfunnshus
Vaksne: 150,- / Born: 100,-
- Detaljar
- Skriven av Bente
Styret i Imsland Vassverk markerte avslutning av vassverket og ein vellukka overføring til kommunen med ein middag på Ryfylke Fjordhotell onsdag 9. februar.
Per Bakkedal, Theodor Imsland, Sigbjørn Staurland
- Detaljar
- Skriven av Lasse
5. og 6. klasse på Imsland skule stakk av med sigeren over 7. klasse på Skjold skule og 6. kl. på Enge skule i krimkonkurransen som Grannar stod bak.
Etter at Ingvar Moe starta denne skrivestafetten på slutten av 1989, fylgde elevane i dåverande 5. og 6. klassar ved skulane i Grannar-distriktet, opp med å forfatta dei neste kapitla.
Siste kapittel blei aldri skrive, men nå, over 20 år etter at «Mysteriet i Svartaberget» oppstod, er forteljinga avslutta.
Elevar i 6. og 7. klasse ved Enge, Imsland og Skjold skule vart trekte ut i ein konkurranse i regi av Grannar om å fullføra forteljinga.
Vinnaren blei offentleggjort under Kulturnatt i Etne laurdag 5. februar. Det var ein jury beståande av barnebokforfattar Roald Kaldestad, og bibliotekarane Guri Ravatn, Ølen og Kari Bolette Lundal, Stord som kåra vinnaren.
And the winner is: Imsland Skule, 5. og 6. klasse!!
Premien er diplom og lovord + eit forfattarbesøk i klassen.
Dette er kjempebra jobba, dei kan vera stolte over dette!
Gratulera til 5. og 6. klasse, og til norsklæraren deira Hilde Bjelland Abelseth!