Detaljar

Skriven av Theodor Imsland

Saman med foreldre og konfirmantar frå dei forrige konfirmantkulla, arrangerte soknerådet fest for konfirmantane på Bygdahuset etter samtalegudstenesta 7. mai.
Her er nokre bilete frå festen.

Detaljar

Skriven av Bente

Hustveit – Rindanuten – Vasstølsvatnet – Hustveit. 2-3 timar

Køyr opp skogsvegen (bomveg) frå Hustveit og parker på opplagsplassen. Her står tavla vår. Følg skogsvegen til høgre. Dette er kommuneturen i år og den er merka heilt opp til Rindanuten med raude stikker.

Når vi kjem opp til den øvste myra, før siste oppstigning til nuten, svingar rundturen vår av til venstre. Her er merka med raude silkeband fram til Vasstølsvatnet. Vi går langs denne myra litt, går opp på fjelldraget og følger dette innover, framom Liabøskaret, vidare langs foten av Dyranibba og ned mot vatnet. Ta dykk tid til å gå ut på fjellknausane og nyt utsikten.

Ved Liabøstølen kjem vi inn på vegen til Myrstøl. Denne er også merka med raude stikker frå opplagsplassen og fram til Myrstøl. Følg stikkene til de ser vatnet og finn dei raude silkesløyfene att. Vi svingar av mot venstre, langs vatnet, over gjerdeklyvaren og ned langs gjerdet der de finn kassen vår. Her er det fint!

Heimturen går tilbake via Liabøstølen. Følg stikkene heilt ned til opplagsplassen. Nydelig tur nedover, delvis langs Hustveitelva.

Øspehompen. 30 min. ein veg.

Start ved Børkjelandsvatnet på tømmerflåta og gå over gjerdeklyvaren. Her er godt merka sti heilt fram til Øspehompen. Dette er eit utsiktspunkt der de har Vindafjorden under dykk.

IKKJE SLEPP UNGANE I FØREVEGEN. DET ER STUPBRATT NED TIL SJØEN.

Skjøljanuten. Tur/retur ca. 2 timar.

Køyr av til venstre før Skjøljabrua på veg innover. Parker her og følg den gamle vegen til Selland eit stykke. Sving til høgre og følg merka løype opp til Skjøljanuten. Turen er merka med raude band.

Alle turane har boks med navnebok. Bøkene blir tatt inn 30.august Det blir trekt ein premie i kvar bok. I tillegg trekkes premie til dei som har gått alle turane.

VIS NATURVET OG TA OMSYN TIL GRUNNEIGERANE OG DEIRA DYR. LUKK GRINDAR OG LE OG HUGS BANDTVANG.

GOD TUR – ALDRI SUR

Detaljar

Skriven av Grendeutvalet

Tradisjonen tru dei siste åra var det duka for loppemarknad på bygdehuset i påskeveka. Det er like spennande kvart år og sjå kor mange lopper me får inn.

Også dette året hadde folk vært i kjellar og på loft og funne fram ting og tang dei ikkje hadde bruk for lenger, men som andre kanskje kunne ha nytte av. Borda på bygdehuset vart i alle fall fylt opp. Og mange kom for å handle. Det var kø utanfor døra då me opna dei kl. 14 onsdag 16. april. Lenge var det fullt på bygdehuset, gode kjøp vart gjort og drøsen gjekk godt over kaffikoppen. Heimebaksten forsvann fort, og det såg ut som små og store koste seg.
Då dagen var omme hadde det minka godt på både loppene og kakene så oppryddingsjobben var enkel.
Tusen takk til alle som kom med lopper, heimebakst, som hjelpte til og som kom på sjølve loppemarknaddagen og handla!

Detaljar

Skriven av Nina

Me har ei tam røy på besøk i dag. Ein del av første timen gjekk med til å finna ut meir om denne fuglen.
Elevane syntest det var spennande, og her var det snakk om å gripa øyeblikket!
Me hadde samtidig besøk av ein katt som måtte "følgjast" heim, -han var litt for interessert i fuglen...

Detaljar

Skriven av Theodor Imsland

Det vart samla inn kr 6110,50 under fasteaksjonen på tirsdag. Vi takkar bygdefolket for store og små bidrag og takk til konfirmantar og foreldre for innsatsen.
Soknerådet

Detaljar

Skriven av Bodil Imsland

I fjor vår var elevane ved Imsland skule med på ein internasjonal konkurranse som heitte "Pappa'n i de mange land".
Oppgåva var å teikna og skriva om kva som kjenneteiknar ein god pappa, og gjerne få med kva dei sjølv likar å gjera saman med sin eigen pappa.
Bidraga frå Imsland skule vart sende til det internasjonale barnekunstmuseet i Oslo.
Det kom inn heile 2200 bidrag frå born i 23 ulike land!

100 bidrag er nå plukka ut og skal henge på det internasjonale museet ut året. Kronprins Haakon Magnus opna utstillinga i mars i år.
Av desse 100 bidraga kjem to frå Imsland skule!
Torstein Øvregård og Mathias Rønnevik, begge 4.klasse, er dei heldige som nå får sine teikningar med tekst hengjande til allmenn skue i eit heilt år!
Gratulera begge to!!!
Les meir på www.barnekunst.no
Klikk på bilda under for å sjå teikningane.

Detaljar

Skriven av Bente

Lasse og Bente har drifta imsland.info sidan opninga i 2009. Me var innom på sist møte i grendautvalet for å drøfta nettsida (grendautvalet er eigar av nettsida), og dei overraska oss med flotte blomar som takk for innsatsen så langt, noko me sjølvsagt syntest var svært kjekt!

Les meir: Blomster til webredaktørane

Detaljar

Skriven av Bygdekvinnelaget

Har du lyst til å lage mer mat sammen med barn og barnebarn?
Vi arrangerer lærerike og morsomme matlagingskurs for barn og voksne i fellesskap.
Ta med deg barn, barnebarn eller nabobarn og bli med på kurs for å lære å lage sunn og god mat.
Klikk på bildet for å sjå annonsa.