Sponsorar
Hallvard Finnvik på 5. plass i sitt første Rallycrossløp.
- Detaljar
Team Innante frå Ropeidhalvøya og Imsland stiller i år med to bilar i
Rallycross nasjonal klasse. 
Ivar Finnvik byggjer ny Volvo 242, denne bilen blei ikkje klar til løpet i Vikedal 17.04.
Men broren Hallvard sin Volvo blei heldigvis klar.
Hallvard kjørte Bilcross i fjor, og vant Vestlandsmesterskapet. I år køyrer han Rallycross nasjonal klasse opp til 2400ccm.
Hallvard stilte til start på Vikedal Motorbane utan å ha kjørt bilen før løpet.. Likevel blei det ein flott 5. plass. Me gratulerer, og gler oss til neste løp!
Les meir om teamet her: http://www.team-innante.no
Pakkers på TV2 Frokost TV
- Detaljar
Dei som ikkje fekk med seg Pakkers på Frokost TV, kan sjå og høyra det musikalske her.
http://www.youtube.com/watch?v=lKUnl46e4xY
Ein lærar utanom det vanlege
- Detaljar
- Skriven av Bente
Ingrid Marie Dale (52 år), superfrisk lærar på Imsland skule, overnatta i snøhole utanfor skulen.
Velsmakande middag på søndagskafe
- Detaljar
- Skriven av Bente
Omlag 90 personar fann vegen til søndagskafeen på Bygdahuset der det vart servert omnsbakt kveite, kjøttkaker, gele og sjokoladepudding.
Det var 10. klasse ved Vikedal ungdomsskule som stod bak kafeen. Dei samlar pengar til skuleturen dei skal reisa på i samband med at dei no avsluttar 10-årig obligatorisk skulegang. Dei skal reise med Fredsreiser til Polen, og skal mellom anna vitje konsentrasjonsleirar og lære meir om kva som skjedde under 2. verdskrigen.
Mykje hjort langs vegen
- Detaljar
- Skriven av Bente
Det er framleis full vinter med mykje snø - og hjorten trekkjer til mateplassar langs vegen. Redaksjonen har fått melding om påkøyrt hjort i Hogganvik og i Kvaløy. Vegvesenet har no sett ned fartsgrensa ved mateplassen som ligg mellom Øvregard og Kvaløy. Oppfordringa før helga er altså: Køyr forsiktigt og set ned farten der du veit hjorten ferdast!
Foto: Dan Veggeberg
Eit sikkert vårteikn!
- Detaljar
- Skriven av Bente
På skituren min i dag - 1. mars - trefte eg denne karen. Han låg midt i skiløypa bak Byrkjeland. Stiv og treg var han, men det var absolutt liv. Korleis hoggormen har funne på å leggja seg midt i sporet, langt frå næraste solbakke og med kuldegrader i lufta - ja det veit ikkje eg. Og eg lurer på om han klarer seg no, det er 8 kuldegrader ute....
Og apropos dei Olympiske Leikar som nett er avslutta: Dersom nokon ser Odd Bjørn Hjelmeseth så kan de helse han å seie at "is i rubben" er som ingenting å rekne mot hoggorm i sporet - slik me har i Imsland.
Ølmedal Kraft produserar straum
- Detaljar
- Skriven av Bente
Onsdag 10. februar kom kraftstasjonen ved Hustveitelva på nett. Stasjonen er ikkje offisielt opna ennå, men går på minimum effekt no i ein oppstartsfase i samband med prøvedrift og testing.
Skiglede i Imsland
- Detaljar
- Skriven av Bente
Me har hatt ein uvanleg snørik vinter i Imsland i år - til glede for mange og sikkert til bry for somme. Bildeserien under viser små og store som kosar seg i snøen på Øvregard ein fin fridag i sist veke.
