Start 2024 på best mogleg måte, med jazz, pizza og pils på Øvregård i Imsland!

Fredag 19. januar tar Håvard Ersland med seg trioen sin tilbake til Imsland for swinga inn nyåret!

Håvard Ersland Trio er ein ung pianotrio beståande av tre lyttande og kreative musikarar. Bandleiar og pianist Håvard Ersland kjem frå Imsland i Vindafjord og starta sin utdanning på konservatoriet i Stavanger.

Det er høg kvalitet på låtmaterialet trioen serverar, og komposisjonane krydrast med lekre detaljar og eit stort musikalsk overskot, samt ein solid porsjon speleglede. Musikarane Håvard har med seg i bandet som i tillegg til å vera ettertrakta frilansmusikarar er kjende frå band som Miriam Kibakaya Concept, Superspreder og Liv Andrea Hauge Trio. Bandet er trass sin unge alder nærmast telepatisk samspelte, heile tida lyttande og søkande, og skapar med det nye og spanande konsertopplevingar på kvar konsert.

 

Besetning;
Håvard Ersland – Piano
Andreas Svabø – Kontrabass
Bjørn Andre Syverinsen – Trommer

 

Bandet spelar 2 sett med musikk på den koselige låven, medan dykk kan nyta heimelaga surdeigspizza m/ til tilbehør.

Det blir også mulig å få kjøpt seg noko godt å drikka både med og utan alkohol.

 

Pris: 500,- pr pers, som inkluderar konsert, pizza, kaffi og god stemning
Konserten startar kl 20.00

Ta kontakt med Anita på 97118177 for bestilling!