Sponsorar
- Detaljar
- Skriven av Bente
Haustfesten er kvelden der 4H-medlemane inviterer slekt og venner, kjende og ukjende, til å komme og markere slutten på 4H-året. Utstilling av prosjekt, mat, lotteri og underholdning stod på programmet, alt i regi av medlemane sjølve. Fredag var det fullt hus på bygdahuset, og 4H-arane kan puste ut etter VEL BLÅST haustfest,-)
Oskar og Eivind studerer utstillingane. Kanskje vil dei byrje i 4H og lage utstilling sjølve neste år?
- Detaljar
- Skriven av Bente
Fredag går 4H sitt store arrangement - HAUSTFESTEN - av stabelen, og denne veka er det øving nesten kvar dag. Innsatsvilje og godt humør pregar øvingane;-)
- Det vert eit kjekt program melder medlemane, som likevel ikkje vil røpa noko av innhaldet. - Den spenninga skal me halde fram til fredagen.
Alle er velkomne til haustfest på Bygdahuset fredag 29. oktober. Utstillingane opnar klokka 18:00 og festen byrjar klokka 19:00.
- Detaljar
- Skriven av Bente
4H Haustprogram:
Haustfesten skal vera fredag 29.oktober.
Korleis ligg du an med 4H-prosjektet ditt? Bøkene må leverast seinast 19. oktober. Det er viktig at du sjekkar om du har oppfyllt alle krav før du leverer boka inn. (Kanskje foreldre/ føresette kan hjelpe deg å sjekke dette?) Krava som gjeld oppgåva står i prosjekthefta. Viss nokon har spørsmål til prosjekta så ta kontakt med Torunn, Gro Anita eller Bente.
Tidsplan for øvingar/ medlemsmøte fram mot haustfesten:
Måndag 4. oktober klokka 18:00 – 20:00
Tysdag 19. oktober klokka 18:00 – 19:30. Siste frist for levering av bøkene.
Torsdag 21. oktober klokka 18:00 – 19:30
Måndag 25. oktober klokka 18:00 – 19:30
Tysdag 26. oktober klokka 18:00 – 19:30
Torsdag 28. oktober – generalprøve byrjar klokka 19:00 og me held på til me er ferdige;-)
Fredag 29. oktober: FEST
- Detaljar
- Skriven av Bente
Tysdag 21. september kjem 4H-klubben frå Ropeidhalvøya på besøk til oss i Imsland. Det vert ulike aktivitetar som til dømes kanopadling, fotball, leikar og slikt. Kanskje volleyball?
Me fyrer i bålpanna. Alle medlemmer tek med seg grillmat og drikke. Foreldre, sysken og andre er sjølvsagt velkomne til å vera med oss!
Kor tid: Tysdag 21. september klokka 18:00 - 19:30
Kor: På skuleplassen
Ta med: Drikke og grillmat. Kle deg for å vera ute. Redningsvest og eventuelt løyve frå føresette om at du får padle i kano.
- Detaljar
- Skriven av Bente
Det lir mot haust - og det er på tide å byrje planleggjinga av HAUSTFESTEN. 
Torsdag 2. september vert det medlemsmøte på bygdahuset. Me startar klokka 18:00 og sluttar av klokka 20:00.
Ta med GODE IDEAR til festprogrammet;-))
Klårt Hovud - varmt Hjerta - flinke Hender - god Helsa