Om Imsland

Imsland er bygda som ligg lengst aust i Vindafjord, på grensa mot Suldal. Her bur 304 menneske, med smått og stort. 
Me bur romsligt, med naturen rett utforbi stoveglaset. Her er mange naturperler, og Imslandsbuen er vel spesielt stolte av den gamle strandstaden Imslandsjøen. 
Jord- og skogbruk, havbruk, vasskraft, småskala industri, turisme og servicenæringar er stikkord for næringslivet vårt. Mykje er tufta på fornybare ressursar. 
Barnehage og skule ligg fint til ved enden av Ølmedalsvatnet, og er ei viktig nerve i bygda.