Ølmedal Rundt 25 år
Ein strålande opplagt Petter Northug gjesta Ølmedal i dag. – Målsetjinga er å klara tida til Odd-Bjørn Hjelmeseth. Klarer eg det og ein tredjeplass er eg strålande fornøgd sa Northug før løpet.
Vindafjord IL står bak arrangementet, som dreg «fullt hus» i Imsland, år etter år. Lars Olav Larsen er general, og har med seg nokre viktige støttespelarar som stiller opp gong etter gong. 1030 deltakarar stillte til start i år – dei fleste i trimklassen. 162 sprang i aktiv klasse, deriblant fire fastbuande Imslandsbu. Og den aller raskaste Imslandsbuen i år var Helge Hummervoll, 14 år, som kom inn på ein imponerande 29. plass på tida 26.24.
Raskast av alle var Urigi Buta, som kom i mål på tida 19:56. Petter Northug, med gullmedalje frå OL, kasta glans over arrangementet i Ølmedal. Northug hadde målsetjing om tredje plass, men måtte sjå fire sterke løparar i mål framføre seg, deriblant Ragnar Stølsmark frå Vikedal og 15 år gamle Gaute Kvåle frå Røldal. Northug greidde heller ikkje tida til Odd-Bjørn Hjelmeset, men ville komma attende og prøva igjen. Er det ikkje flott?
Resultatlista finn du på vindafjord-il.no
Imsland Bygdahus stod for matsalet og hadde ein stor dugnadsgjeng i sving. Dei sørga for mat og drikke til omlag 1100 besøkande. 
IceBreakers i aksjon
Og her sit Sigmund – ein nøgd finansminister – etter at omsetjinga er rekna isaman.